Memoria ibilibideak osatzen ari gara
Memoria Ibilbideak osatu ditugu «Markinaldeko Frontea» deituriko sektorean. Lehen lerroko gerra frontea osatzen zuen zatietako bateko gertaerak testuinguratu eta ondorengoratze transmisioan bultzatu asmoz informazio panelak osatu ditugu Berriatuko Udala, Etxebarria Udala eta Markina-Xemeingo udalarekin batera. Memoria ibilbide hauek, gertaera, leku eta informazio orokorra jasotzen duten laginak dira, herrietako gune ezberdinetan kokatuak, herri bakoitzari egokituak. Hona hemen Etxebarrin jarri direnak (aurrerago Berriatu eta Markina-Xemeingoak aurkeztuko ditugu):
1. Bidegorriko ur jolas eta skategunearen inguruan, besteak beste, herrigunetik guda lerroa bere baitan hartzen zuten muinoak identifikatzeko informazio panel panoramikoa
2. Txominen aurrean: Zelaietburuko deshobiraketak, testigantzak eta gure inguruko 1936ko gerraren gertaeren kokapen orokorra
3. Intxarubitxe [Intxaurbieta]: Zulueta baserria eta Akarregi bitarteko laugunea: 1936ko urrriaren 21eko borrokaldiaren kontaketa. Errepublikazaleek, Akarregi ingurutik, Egixarreko zelaietaraino egindako erasoaldia.
4. Belarroko ametrailadore kabia: Bigarren lerroa osatzen duten defentsa gunetako bat da eta gaur egun oraindik osorik dago bertako zelaian.
Ahaztuen Oroimena 1936 