Jose Ramon Belaustegi Arrillaga
Ramon Belaustegi Arrillaga, 1918ko abuztuaren 14an jaio zen Aiste Etxe Zurin. Milizianoak Aistera etorri zirenean hango etxeetakoei ahal zuten lekuetara ebakuatzeko esan zieten.
Aiste Etxe zurikoek Urtzulon hartu zuten babesa eta Altzola barri inguruan zebilela tiro batek jo eta zauritu zen. Bala bat sartu zitzaion eskumuturretik, bala horrek, otzara pasatu eta gerria zeharkatzea lortu zuen; zauri horrek eraginez odolustu eta hil egin zen.
Bertakoek Urtzulora eraman zuten presaka batean eta han bildutakoek ahaleginak egin arren, Urtzuloko egongelan hil zen.
Bertakoen urduritasuna zela eta egongela garbitu, eta sabaian izan zuten Ramonen hilotza egun batzuetan. Gero, etxean egindako hil kutxa batean sartu eta etxe inguruan lurperatu zuten.Ā Gerra pasatu ondoren, lurpetik atera zuten eta euritan lur eman zioten hilerrian.
Irudian Aiste Etxe Zuri.
Juana Etxaniz BarruetabeƱa
Juana Etxaniz Olazarren jaio zen, 1929an. Gerra garaian, Ziortza-Bolibarren babestu ziren lehenik eta gero Amalloko Zamora baserrian, bere amaren etxean. Bere osaba, Itxas-Alde batailoiko kapitaina izan zen, hau dela eta errekete eta karlistek, Olazarko etxea erre eta bertako gauza guztiak bahitu zizkieten.
Josefa Egidazu Gorostidi
Josefa Egidazu, 1926an jaio zen San Migel auzoko Urkiola baserrian, Morkaiko barrenean. Erreketeak beraien etxera iristean, sorospen leku legez hartu zuten baserria.
Ganbaran, parez pare jarrita hainbat zauritu hartatu zituzten, eta tartean hildakoak ere lehenengo sorospen gune legez Urkiolara ekartzen zituzten eta. Bertan zeuden margaritak arduratzen ziren sorospen lanetaz eta Josefaren amak eta berak ere lagundu behar izan zuten.
Korta lo leku biurtu behar izan zuen aitak, idea lurrean jarrita, korta bete erreketek lo egin zezaten frentera igo aurreko atsedenerako.
Inguru horretako borroka egun gogorrak gogoan ditu eta batez ere San Esteban egun hartan izandakoa.
Leandro Etxebarria Argintxona
Leandro Etxebarria Argintxona Markinan jaio bazen ere Bakion bizi zen. Forala zen lanbidez eta atxilotu ondoren Derioko hilerrian afusilatu zuten 42 urte zituela; 1937ko uztailaren 23an.
Iturria: Ahaztuak 1936-1977
Hiru gorputz atera dituzte Araban hobi batetik
Ahaztuak 1936-1977 elkarteak, Aranzadi zientzia elkarteko arkeologo eta teknikoekin batera, Erriberagoitia herrian (Araba) hiru gorpu aurkitu dituzte hobitik ateratzean.
Arantzadiren Erakusketa ibiltaria
Hobitik ateratzen, duintasuna berreskuratzen erakusketa ibiltaria antolatu du Arantzadik.
Erakusketan Aranzadi Zientzia Elkarteko ikertzaileek eta boluntarioek joandako hamar urteetan egindako 70etik gora hobitik ateratzetan egindako lana ikus daiteke, argazkietan, berrogei panel ingurutan antolatuta.
Egun hauetan (maiatzaren 7tik 23ra) Lekeition dago ikusgai. Hona hemen erakusketa Beasainen egon zeneko irudiekin egindako bideoa.
- ← Anterior
- 1
- …
- 32
- 33
- 34
- …
- 36
- Siguiente →
Ahaztuen Oroimena 1936 