Ahaztuen Oroimena elkartea, militarrek armak eskuetan altxamendu faxista martxan jarri eta gure inguruko herrietara indarrez sartzen saiatu ziren 75.urteurrenarekin batera dator.

Etxe eta herritar bakoitzaren gogoetetan daude 1936ko irailetik 1937ko udaberrira arte Etxebarria, Markina, Xemein eta inguruetan bizitako astakerien ondorioak. Oroimenak bizirik dirau egun, baina 75 urte luze hauetan isiltasunera eta beldurrera kondenatu zituzten gertaerak argitu beharra dago.

Historia idatzi egiten da, eta injustiziak kontatu egiten dira. Kolpe militarrak eta Frankismoaren zein faxismoaren ondorioak erreparazioa behar dute eta bide horretan, memoria kolektiboa erreskatatzea beharrezkoa da.

Ahaztuen Oroimena, herritarrengandik eta herritarrentzako sortutako ekimena da, tartean, ondorengo erakundeekin elkarlanean jardun dugu:

______________________________

Gurekin harremanetan jarri nahi izan ezkero hona hemen helbidea:

etxebarria1936@gmail.com

Ahaztuen Oroimena 1936 elkartea

Uhagon kulturgunea, Xemein Etorbidea

48270 Markina-Xemein. Bizkaia